Lýsing

Íslenskar þjóðsögur og ævintýri, gömul en samt glæný.

Gilitrutt er þriðja bókin í nýrri ritröð Töfrahurðar sem byggir á íslenskum þjóðsagnaarfi.
Þjóðsöguna um Gilitrutt þarf vart að kynna fyrir Íslendingum en hér færa höfundar hana örlítið nær nútímanum, án þess þó að segja skilið við þjóðleg einkenni sögunnar sem er hér sögð í formi óperu með skemmtilegri og léttri tónlist Hildigunnar Rúnarsdóttur.
Salka Guðmundsdóttir hefur samið smellinn texta í bundnu máli sem heldur uppi spennu allt til enda þótt húmorinn sé aldrei langt undan.
Söngvarar eru Hallveig Rúnarsdóttir í hlutverki hinnar ógurlegu og undurförulu tröllskessu Gilitruttar, María Sól Ingólfsdóttir er verkkvíðna húsfreyjan Gerður og Þorkell H. Sigfússon hinn iðni húsbóndi Þórður. Hljómsveit skipa Eydís Franzdóttir á óbó, Ármann Helgason á klarinett og Hrönn Þráinsdóttir á píanó.

Bókin er fagurlega skreytt myndum eftir Heiðu Rafnsdóttur og á vel heima í bókahillum allra barna sem vilja kynnast gömlu þjóðsögunum í nýjum og spennandi búningi.